ცისნამი საყვარლიშვილი დაიბადა 1987 წლის 25 ნოემბერს გურჯაანის მუნიციპალიტეტის სოფელ ვაჩნაძიანში. 2004 წელს დაამთავრა ქ. თელავის მრავალპროფილიანი სკოლა-ლიცეუმი.

2008 წელს დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ისტორიის ფაკულტეტი.

2013 წელს დაამთავრა ფლორენციის სახელმწიფო უნივერსიტეტის პოლიტიკურ მეცნიერებათა ფაკულტეტი (მაგისტრატურა).

2010-2012 წლებში მუშაობდა ქ. პრატოს (იტალია) მერიის საემიგრაციო სამსახურში კულტურულ მედიატორად. ფლობს ორ უცხო ენას: ინგლისურსა და იტალიურს.

2018 წელს დაამთავრა კოლუმბიის უნივერსიტეტის ჟურნალისტიკის სკოლის კურსები.

ჰყავს მეუღლე – გერმანელი ბარონი ალექსანდრე პიტერსი, Von Malsen-Ponickau. პირველი ქორწინებიდან ჰყავს ერთი შვილი – ირაკლი შიოლაშვილი. ამჟამად ცხოვრობს ნიუ-იორკში.