ჩვენ, ვეფხისტყაოსნები

დიანა ანფიმიადი

₾ 10.00

გამომცემლობა არტანუჯი
ISBN 9789941487187
გვერდები 90
ფორმატი A5
გამოცემის თარიღი 2019
ყდა რბილი
სტატუსი გაყიდვაშია

შოთა რუსთაველის „ვეფხისტყაოსანი“ მსოფლიო მნიშვნელობის ძეგლი და ჩვენი კულტურული იდენტობაა. ყოველი ეპოქა მას ხელახლა უბრუნდება და გაიაზრებს. „ვეფხისტყაოსანი“ მძლავრი ინსპირაციის წყაროა შემოქმედთათვის, რომლებიც თავიანთი მხატვრული ხედვით და ინტერპრეტაციებით კიდევ უფრო ამდიდრებენ უკვე მდიდარი ტრადიციების მქონე ლიტერატურათმცოდნეობით დარგს – რუსთველოლოგიას.
 
 
სწორედ ასეთ შემთხვევასთან გვაქვს საქმე პოეტისა და ენათმეცნიერის – დიანა ანფიმიადის ახალ წიგნთან დაკავშირებით. „ჩვენ, ვეფხისტყაოსნები“ – ასე ჰქვია კრებულს და ის სხვადასხვა საუკუნის ხელნაწერებში შემონახული მინაწერების, ჩასწორებების თუ შენიშვნების მიხედვით შექმნილი წიგნი-რომანია, რომელიც უამრავ საინტერესო, ნაცნობ და უცნობ, ასევე გამოგონილ ამბავს აერთიანებს.
 
 
ეს წიგნი განკუთვნილია გურმანი მკითხველებისთვის, ვისაც უყვარს წიგნის ჯადოსნურ სამყაროში მოგზაურობა. „ჩვენ, ვეფხისტყაოსნები“ მეგზურობას გაუწევს იმ ახალგაზრდებსაც, ვინც ახლა იწყებს რუსთველოლოგიის სიღრმეებში წვდომას, ასევე თვალმოუწყვეტლად საკითხავია იმათთვის, ვისთვისაც წიგნის კითხვა მხოლოდ გართობის კი არა, უპირველესად შემეცნების, აღმოჩენების პირველწყაროა.