პენი ჯოლსონი თანამედროვე ინგლისელი მწერალია. ის ქმართან და შვილებთან ერთად ცხოვრობს ჰერდფორდშირში, ლონდონთან ახლოს. წლების განმავლობაში პენი ჯოლსონს შეზღუდული შესაძლებლობების მქონე ბავშვებთან მუშაობის დიდი გამოცდილება დაუგროვდა და გადაწყვიტა ამ ბავშვების შესახებ წიგნები დაეწერა. 

პენი ჯოლსონს რომანი „მე არაფერს ვმალავ“ რამდენიმე პრესტიჟული ჯილდოს მფლობელი და ნომინანტია მოზარდებისთვის განკუთვნილი წიგნების კატეგორიაში. თოთხმეტი წლის გოგონას – ჯემას ცერებრული დამბლა აქვს და რომანს პირველ პირში მოგვითხობს. მან მკვლელობის შესახებ შეიტყო, მაგრამ ვერავისთვის გაუმხელია ეს ამბავი, რადგან არც ლაპარაკი შეუძლია და არც მოძრაობა. თუმცა, შეიძლება მალე რაღაც შეიცვალოს... 

▪️ ინგლისურიდან თარგმნა თამარ სუბელიანმა

▪️ პროექტის ავტორი: გვანცა ჯობავა
▪️ რედაქტორი: ნატო გორდელაძე
▪️ დამკაბადონებელი: ვიოლა ტუღუში
▪️ გარეკანის დიზაინერი: თეონა ჭანიშვილი