ექვთიმე თაყაიშვილის „თხზულებანის“ მე-9 ტომში წარმოდგენილია მასალა, რომელიც ავტორმა 1910 წელს გამოაქვეყნა „საქართველოს სიძველენის“ III ტომში. ეს გახლავთ 1408-1836 წლებს შორის პერიოდში გაცემული ისტორიული დოკუმენტები: სიგელ-გუჯრები, წყალობის, ნასყიდობის, ფიცისა და მზითვის წიგნები და სხვ. განსაკუთრებით საინტერესოა გამოცემაში წარმოდგენილი დოკუმენტების ის ნაწილი, რომელიც ეხება რუსეთ-საქართველოს ურთიერთობებს, სამეფო ტახტის გაუქმებას, საქართველოს რუსეთთან შეერთებასა და სხვა არაერთ პრობლემას.

ამას გარდა, ამავე ტომში წარმოდგენილია ექვთიმე თაყაიშვილის რედაქტორობით, 1920 წელს გამოცემული, პალეოგრაფიული ალბომის (რვეული II) ფოტოტიპური ასლი.

წიგნი განკუთვნილია ისტორიკოსთათვის, აგრეთვე საქართველოს წარსულით დაინტერესებულ მკითხველთა ფართო წრისათვის.