| გამომცემლობა | ინტელექტი |
|---|---|
| ISBN | 9789941313615 |
| გვერდები | 460 |
| ფორმატი | 15/21 |
| გამოცემის თარიღი | 2021 |
| ყდა | რბილი |
| სტატუსი | გაყიდვაშია |
„არის ნიჭი მწერლისა და არის ნიჭი მკითხველისა. მკითხველის ნიჭი არანაკლებ საჭიროა, ვიდრე მწერლისა. რა დიდებული წიგნიც უნდა დაწეროს მწერალმა, მნიშვნელობა არა აქვს, თუ მას ნიჭიერი მკითხველი არ კითხულობს“, – აკაკი ბაქრაძე
აკაკი ბაქრაძე ყველგან და ყოველთვის მოვლენის არსს სწვდება და წარმოაჩენს. ამავე დროს, აკაკი ბაქრაძისათვის მხატვრული ტექსტი ერთგვარი საყრდენია, რათა მისი მეშვეობით საკუთარი სათქმელი თქვას, მოვლენისა თუ ფაქტისადმი საკუთარი დამოკიდებულება გამოხატოს. ამას იგი ნათელი სტილითა და სანიმუშო სისადავით აღწევს. ამიტომაც არის აკაკი ბაქრაძე ნებისმიერი მკითხველისათვის ერთნაირად საინტერესო და გასაგები.
„სკოლას“– აკაკი ბაქრაძის წერილების კრებული ერთგვარი დამხმარე სახელმძღვანელოა ქართულ ლიტერატურაში საშუალო სკოლების მოსწავლეთათვის. „ამ წიგნის გამოცემის მიზანი არ არის მხოლოდ ის, რომ სასკოლო სახელმძღვანელოების სიმწირეს განვიცდით და ეს ხარვეზი უნდა შეივსოს. ჩვენ ღრმადა ვართ დარწმუნებულნი იმაში, რომ აკაკი ბაქრაძე ჩვენს ლიტერატურისმცოდნეობაში აზროვნების ახალ მანერას ამკვიდრებს, ახლებური ინტერპრეტაციაა აქ ჩვენი მწერლობისა. ეს ნარკვევები აზროვნების სხვაგვარი თავისუფლებით სუნთქავს. აზროვნებისა და ინტერპრეტაციის ამგვარი მანერა გვსურს გაითავისოს ახალგაზრდობამ“.
შემდგენელ-რედაქტორები: ამირან გომართელი, ლევან ბრეგაძე
