ფრანგულიდან თარგმნა, შესავალი და კომენტარები დაურთო ლეილა მაღრაძემ

 

წიგნის მიზანია საზოგადოებას წარუდგინოს ფრანგი მეცნიერი, არქეოლოგი და საზოგადო მოღვაწე ამურ ოგიუსტ ლუი ჟოზეფ ბერტელო, ბარონი დე ბაი, რომელმაც მე-19 საუკუნის ბოლოსა და მე-20 საუკუნის დასაწყისში რამდენჯერმე იმოგზაურა საქართველოში. ამ გამოცემაში გაერთიანებულია მოგზაურის მიერ პარიზში სხვადასხვა დროს გამოქვეყნებული ნაშრომები: „საქართველოში“, „თბილისი“, „იმერეთში“ და „აფხაზეთში“. ვიმედოვნებთ, რომ ბარონი დე ბაის წიგნების სრული ქართული თარგმანი, სათანადო გამოკვლევითა და კომენტარებით, ძალზე საინტერესო და საყურადღებო იქნება არა მარტო საქართველოს ისტორიით დაინტერესებული მკვლევრებისთვის, არამედ ფართო მკითხველი საზოგადოებისთვისაც.