მაია იანტბელიძე დაიბადა 1965 წლის 26 სექტემბერს ქ. რუსთავში. 1982 წელს დაამთავრა ქ. რუსთავის N2 საშუალო სკოლა. 1983-88 წწ. სწავლობდა ივანე ჯავა ხიშვილის სახელობის თბილისის სახელმწიფო უნი ვერსიტეტის ფილოლოგიის ფაკულტეტზე, მხატვრული შემოქმედებისა და ლიტერატურული კრიტიკის სპეცია ლობით. 1994-99 წწ. იყო საქართველოს მეცნიერებათა აკადემიის _ ლიტერატურის ინსტიტუტის მაძიებელი, აპრობაცია გაიარა მისმა საკანდიდატო დისერტაციამ „ადამიანის კონცეფცია ვაჟა-ფშაველას პოემებში“. 2020 წ. დაამთავრა მუშაობა დისერტაციაზე „აქსიოლოგიური კომუნიკაცია ვაჟა-ფშაველას შემოქმედებაში“ და გახდა სოციალურ მეცნიერებათა აკადემიური დოქტორი. სხვადასხვა დროს იყო თსუ გამომცემლობის უმცროსი რედაქტორი (1989-91 წწ.); ქ. რუსთავის გურამ რჩეულიშვილის სახელობის კოლეჯის, ქ. რუსთავის №2 საშ. სკოლის, კერძო სკოლა „მილენიუმის“ ქართული ენისა და ლიტერატურის მასწავლებელი; იყო ქ. თბილისის ივ. ჯავახიშვილის სახელობის სა ხელმწიფო უნივერსიტეტისა და მასწავლებელთა პროფესიული განვითარების ეროვნული ცენტრის სახელმძღვანელოების რედაქტორი; 2017 წლიდან არის საქართველოს გამოცდების ეროვნული ცენტრის გამსწორებელი; 2019 წლიდან მუშაობს ავტორად ინტერნეტჟურნალ „მასწავლებელში“; ამჟამად მუშაობს ტელეკომპანია რუსთავი 2-ში ენობრივ რედაქტორად. 2004 წელს გამომცემლობამ „სანი“ გამოსცა მაია იანტბელიძის წიგნი „ქალთა სახეები ვაჟა-ფშაველას პოემებში“, რომელიც განათლების სამინისტროს გრიფით დამტკიცებულია, როგორც დამხმარე სახელმ ძღვანელო უფროსკლასელთა და პედაგოგებისათვის. იგი სხვა სამეცნიერო ნაშრომების ავტორიცაა.